Dak Lak nsrôih tât rnoh hun hao 8%
Thứ ba, 08:23, 15/07/2025 VOV Tây Nguyên/Nuĭh rblang: Điểu Thân VOV Tây Nguyên/Nuĭh rblang: Điểu Thân
VOV.M'NÔNG- Tĭng wa Tạ Anh Tuấn, Kruanh UBND n’gor Dak Lak, let năp tay lah rơh “Hao ngăch, đăt ndal” gay n’gor tât rnoh hun hao 8% lĕ ma năm 2025.

 

N’gul bôk năm aơ, lĕ rngôch ndơ geh ƀư ta n’gor (GRDP) n’gor Dak Lak hao rlău 7%. Lĕ rngôch nsĭt geh tơm prăk ngân sách ngih dak ta n’gor geh rlău 8.700 rmen prăk, hao 1/3 rđĭl đah ndrel khay dja năm e nơh. Tĭng wa Tạ Anh Tuấn, Kruanh UBND n’gor Dak Lak, let năp tay lah rơh “Hao ngăch, đăt ndal” gay n’gor tât rnoh hun hao 8% lĕ ma năm 2025.

Kruanh UBND n’gor đă: Nsĭt geh tơm prăk ngân sách năm aơ ân hao dŭt đêt 20% rđĭl đah trong nchrăp, ntêr lĕ gay mpêt nkrem prăk way dŏng. Ntrôl ngăch n’gluh tơm prăk ntuh kơl, lơn lah ăp trong nchrăp rgum tơm, mbluh ntung trong, ndơ dŏng xã – phường lôch n’glăp nsum. Rgum nkra dŭt bah ăp ntŭk ƀư mbrơi, rgâl geh nău dơi ntuh kơl. Hun hao ăp kôp nkual dak lêng- bri, đah ăp bôk nău kan mât njrăng bri, hun hao mât tui ka, joi geh trong rêh  jŏ jong an nuĭh ƀon  lan meng dak lêng n’hanh mpeh yôk yang; ntrôl ngăch jut jăng jay truh sat, nkưp nde, ƀư wat jêh bah năp nar 30/8/2025.

VOV Tây Nguyên/Nuĭh rblang: Điểu Thân

Viết bình luận

TIN CÙNG CHUYÊN MỤC