Ôi nđaơ (29/7), Tập đoàn Công nghiệp Sah ônh-Khoáng sản Việt Nam (TKV) ƀư Đại hội Tâm rlong rŏng dak rơh tal VI, lvang 2025-2030. Râng n’hanh ntoh ngơi ta Đại hội, Groi Kruanh dak Võ Thị Ánh Xuân djôt dơn n’hanh uănh prêh ăp săk rnglăy dơi geh bah nuĭh pah kan nău kan Công nghiệp Sah ônh-Khoáng sản Việt Nam.

Bah meng ăp dơi geh, TKV an sŏng dăng uănh dơn ăp nău mô hŏ dơi ƀư, kơt: nău mô hŏ tâm ban tâm ntrong leo ta du đêt ntŭk kan, mô lah nău kơt dŏng công nghệ thông tin hôm e mbrơi. Groi Kruanh dak Võ Thị Ánh Xuân đă TKV tâm lvang 2025-2030 mât uĕh tay nău way ơm khlay “Kỷ luật n’hanh Du nuih n’hâm”, ƀư dơi ăp nău rƀŏng Nghị quyết Đại hội Đảng bộ Tập đoàn rơh tal IV lĕ n’gluh an. Rgum tâm ăp ntrong leo tâm rlong hăn ndrel đah rgâl mrô, rgâl mhe nkra njêng, đăp mpăn pah kan n’hanh n’hao nău rêh nuĭh pah kan. Lơn lah, an uănh khlay saơ, ntĭm nti nuĭh mhe, rnê nkhôm ngăch, kloh rah wah, kơl lor nuĭh pah kan na nê̆, nsrôih hao 5-10% rnoh rmôt, êng nuĭh dơi rnê nkhôm nkôp đah lvang bah năp.