Ôi nđaơ (29/7), Kruanh dak Lương Cường n’hanh mpôl pah kan Trung ương lĕ tât râng rgum rƀŭn bôk nău ta Chi bộ thôn Quảng Chính 6, xă Quảng Hà n’hanh uănh nđôi pơk dŏng trong chính trị xă Quảng Hà, n’gor Quảng Ninh. Ntoh ngơi ta nar rgum rƀŭn, Kruanh dak Lương Cường an gĭt Đảng, Ngih dak, ăp gưl ủy, n’gâng kan ƀon lan djăt, ryơk n’hanh djôt dơn nău rgop ntơm tă bah dâng, bah ăp chi bộ kơt chi bộ thôn Quảng Chính 6.

Ăp nău dăn đă, ntơm tă bah dâng mbra dơi rgum lĕ, mĭn njêng gay rhŏ an nău kan nchrŏng nău ntrŭnh, nău kơl nar lơ uĕh n’hanh tâm di uĕh lơn nău ngăn. Kruanh dak đă n’gor Quảng Ninh n’hao tay ntĭm rđău, ƀĭt joet, uănh tât n’hao dơi rđău kan n’hanh soan njrăng n’gang rmôt đảng ta bah dâng, ƀơ uĕh nău kan ntĭm rđău, nchrŏng trong nău mĭn an ăp đảng viên, nkre ntĭm rđău, ntrŭt nsôr, leo lor đah ƀon lan, ngăn lah ăp ntŭk na nê̆ êp ƀon lan ngăn, ăp ntŭk geh âk jêr jŏt, ntŭk n’har bri, nkual jru ngai, mât uĕh têh dăng, tâm ban, săk rnglăy ntĭm rđău bah Đảng ta ntŭk, bah dâng.