Thủ tướng rnê nău Tập đoàn Dunamu dôl mĭn uănh ntuh kơl n’hanh hun hao ta Việt Nam, ngăn lah ta trong kan drăp ndơ rnoh mbrô, drăp ndơ rnoh mbrô mhe, nkre lah rnê n’hao nău tâm rgop bâh Tập đoàn Hana tâm nău hun hao wăng sa Việt Nam đah nău kan lah dak kan ndrel khlăy bâh MB. ntrŭt đă ăp tập đoàn pơk hvi ntuh kơl ta Việt Nam, Thủ tướng an gĭt MB lah ngân hàng geh nău knơm bâh Việt Nam n’hanh đă MB ndrel đah 2 Tập đoàn tâm rgop na nê̆, săk rnglăy, ntop ntrôl nău tâm boh kan lĕ rngôch trong kan jŏ jongViệt Nam - Hàn Quốc. Thủ tướng đă n’gâng kan tơm prăk đah nău kan lah tơm mpeh rdâk njêng Nghị quyết rlong ƀư ntŭk tăch rgâl drăp ndơ rnoh mbrô ta Việt Nam, an geh tâm rgop tay đah Ngân hàng Ngih dak Việt Nam n’hanh ăp n’gâng kan, ntŭk kan, ăp ntŭk geh tât, kơl an ăp tập đoàn têh tâm trong kan joi gĭt, mĭn uănh ntuh kơl ta Việt Nam.