Nar 29/7, UBND n’gor Gia Lai ƀư rƀŭn nchră trực tuyến đah 77 xă, phường nkual mpeh bah lơ n’gor-nkual n’gor Gia Lai bah năp nglăp nsum. Jêh du khay pơk dŏng n’gâng kan bar gưl, 135, phường bah n’gor Gia Lai ntơm đăp mpăn rdâk ƀư, âk rnoh an wăng sa rêh jêng geh săk rnglăy uĕh. Tĭng nkô̆ nău nĕ, n’gor geh nău rƀŏng hao jêng 6 khay dŭt năm rlău 7%. Gay dơi geh nău rƀŏng hao jêng aơ, n’gor jao an 77 xă, phường mpeh bah lơ, mpeh tâm n’gor Gia Lai ơm ăp rnoh an wăng sa-rêh jêng-mât uănh-dăp rgum. Ăp rnoh an aơ lĕ dơi jêh na nê̆ 23 nău kan.

UBND n’gor Gia Lai đă ăp ntŭk ndăn ndâk njêng trong ƀư hun hao wăng sa-rêh jêng 6 khay dŭt năm. Tâm ban ma nĕ, ndâk njêng tay trong n’gâng kan bah dâng rgâl dăng trong hành chính bah mât uănh, groi nđôi an rhŏ kan, ndâk njêng tĭng đah rgâl samƀŭt hành chính, dăch ƀon lan, êp ƀon lan n’hanh mkra ăp nău đă tâm di bah nuĭh ƀon lan, doanh nghiệp. N’gor mbra ntuh kơl ntop tay ngih wâl, ndoh ndơ n’hanh tâm pă nuĭh kan tâm di an ăp ntŭk rhŏ kan hành chính nsum gưl xă, phường. Tâm ăp nău jăch ndăn, n’gor mbra ƀư ăp mpôl pah kan jŭr bah dâng gay ntop kơl dôh rklaih.