Dak Lak dŏng rlong nau kan gưl xã, phường mhe
Thứ tư, 08:00, 25/06/2025 VOV Tây Nguyên/Nuĭh rblang Y Sưng Phê Ja VOV Tây Nguyên/Nuĭh rblang Y Sưng Phê Ja
VOV4.M'nông: Tĭng nau nchrăp, tâm 2 nar lơ 25-26/6, ăp rmôt kan hành chính gưl xã, phường mhe tâm n’gor Dak Lak ƀư nau rlong dŏng nau kan. Gay đăp mpăn nau kan geh n’ho ro, bah năp nê, N’gor uỷ Dak Lak ndrel ăp ntŭk kan hŏ ƀư âk nau kan ntĭm nti, ƀư nâp nau nchrăp nau kan khlay.

Pơh bah năp nơh, Sở khoa học ndrel Công nghệ n’gor Dak Lak tâm rgop nsum ma Sở Khoa học ndrel Công nghệ n’gor Phú Yên ndrel Viễn thông 2 n’gor ƀư ntĭm nti nau dŏng trong kan nsum ân cán bộ, công chức, viên chức tâm xã tâm Dak Lak ndrel Phú Yên. Bôk nau kan ntĭm nti rƀŏng tâm nau dŏng 2 trong, geh: Ntrong mbơh nau rklaih kan hành chính n’gor Dak Lak ndrel trong mât nau ntrŭnh đă ndrel rđau ƀư.

            Wa Nguyễn Văn Thản, Groi Giám đốc Viễn thông Dak Lak, rmôt kan geh UBND n’gor Dak Lak jao ƀư trong công nghệ thông tin kơl an nau tâm rnglăp 2 n’gor Dak Lak ndrel Phú Yên, mbơh, rlau 1000 ntŭk tâm ƀoh ngơi tâm 102 xã, phường, đah ma rbăn cán bộ, công chức, viên chức bah 2 n’gor râng ntĭm mbơh nau kan. Aơ mra lah rmôt kan tơm gay râng ndơn ndrel rklaih ăp nau kan hành chính mhe bah n’gor Dak Lak mhe:

            ‘Ăp rmôt cán bộ công chức 5-7 nŭih gŭ pah kan tâm jrâu kan mra dơi râng ƀư nkre. Nkre lah ƀư nau kan tâm ăp ngih rƀŭn bah ăp xã mhe ndâk, pơk trong ueh ngăn ân cán bộ, công chức râng. Phung hên uănh khlay nau ntĭm mbơh nau kan, mbơh ăp nhoat ƀư ân cán bộ, công chức tâm 34 xã phường mhe bah Phú Yên gay khân păng geh dŏng ueh lơn, nơih lơn rnôk mâp ăp nau tât tâm nau dôl geh kan gay khân păng mô geh vĭ vĕ rnôk ndơn săm ƀŭt ƀư nau kan bah ƀon lan”.

            Bah năp nê, n’gor uỷ Dak Lak hŏ mbơh ăp nŭih rđau kan tơm tâm xã, phường mhe. N’gor kŏ ndaka 6 rmôt hăn kan ntĭm, uănh ƀư dŏng ndrel rđau đại hội Đảng năm kan 2025-2030 tâm ăp rmôt kan hành chính mhe.

            Tâm nar rƀŭn ƀư nau kan bah ăp gưl uỷ, n’gâng kan ndrel ăp ntŭk kan chính trị, rêh jêng gưl xã mhe, wa Nguyễn Tuấn Hà, Groi Kruanh Rnâng kan UBND n’gor Dak Lak nkah:

            ‘Ăp đồng chí hŏ ƀư rđau kan UBND ăp nkuăl ri geh nau blau, nau dơi nê ri nơm mô dŏng kơt 100% nau kan rnôk nơm ƀư Kruanh ân xã mhe, păng geh nau êng ngăn, bah năp nơh pă nau dơi, nau kan mô lăng geh âk ôg, ma rnôk aơ rlau 1000 nau kan ri nau mĭn ân dơi êng. Ăp đồng chí tâm ntŭ kan êng mô lah gưl n’gor ndrel ƀư Kruanh xã ri ân geh nkah nau aơ, nơm mô dơi thơ tha mô nâp lah mra jêr ngăn tâm rnôk nơm rklaih ndrel ndơn nau kan”.

            Tĭng nau nchrăp, tâm 2 nar 25 ndrel 26/6, ăp rmôt kan hành chính gưl xã, phường mhe tâm Dak Lak mra ƀư nau leo rlong nau kan. Bah năp nê, ăp nkuăl hŏ nchrăp ăp ntŭk kan, ndơ dŏng, ntŭk ngih kan điện tử ndrel ăp nau kan gay ma vơt ƀon lan, rklaih săm ƀŭt phong, đă, lah mbơh.

            Wa Nguyễn Đình Trung, Bí thư n’gor uỷ Dak Lak lah rjăp: rơh rlong ƀư rơh aơ gay mbơh nchră kloh ăp ntil nau kan nau ƀư, nau rđau ndrel rklaih nau tât tâm rmôt cán bộ nau kan mhe. Bah nê, năn saơ ăp nau jêr, nau nkol gay geh nau kan rklaih ngăn lor ma geh leo lăp dŏng kan ngăn:

            ‘Nơm nkoch lah rlong ƀư nau kan, yơn nkô̆ nau gay ma ntrŭnh ƀư ri geh ngăn. Aơ lah nhoat nchrăp rnôk lơ 1/7 tât nơm ân geh dŏng ngăn, mô hôm geh ndrât ndal ndrel nau kan ri mô dơi geh kâp rnơm tâm bu êng, lah ăp đồng chí rđau kan tơm ntrŭnh ƀư ri gưl kan bah dâng mra kâp rnơm nau kan ndrel kơt nê ri ntrong kan mra nkol mbrơi. Ndri ma ăp đồng chí tâm ăp nau kan ân geh nchrăp ƀư rlong dŏng nau ƀư kan bah nơm ndrel Bí thư bah xã phường mhe mra ndơn nau kan mpeh nau leo lăp dŏng bah lam ntrong kan chính trị tâm dâng nê”./.

VOV Tây Nguyên/Nuĭh rblang Y Sưng Phê Ja

Viết bình luận

TIN CÙNG CHUYÊN MỤC