Ntơm ƀư nau kan druh ndăm kơl an tâm n’gor Gia Lai
Thứ hai, 10:33, 02/06/2025 VOVTaynguyen VOVTaynguyen
VOV4.M'nông: Tâm nkuăl Chư Păh, n’gor Gia Lai, Trung ương Đoàn druh ndăm Cộng sản Hồ Chí Minh hŏ ƀư nau ntơm hăn kan bah druh ndăm kơl an tâm gưl Trung ương ndrel rƀŏng tât khay ƀư nau kan kơl an kon se năm 2025.

Tâm nkuăl Chư Păh, n’gor Gia Lai, Trung ương Đoàn druh ndăm Cộng sản Hồ Chí Minh hŏ ƀư nau ntơm hăn kan bah druh ndăm kơl an tâm gưl Trung ương ndrel rƀŏng tât khay ƀư nau kan kơl an kon se năm 2025. Nau kan năm aơ geh ƀư đah nkô̆ “Mom ndăm Việt Nam n’hao săk, rnơm tĭng Đảng”, ndâk nuih n’hâm ƀư kan, nau kan nâp, blau nau mhe tâm rơh mom; rƀŏng tât ăp nau nkah gĭt kăl e ueh khlay kơt Nau nkah 80 năm Cách mạng khay Pham ndrel Quốc khánh 2/9. 100 năm nar ndâk rmôt Việt Nam Cách mạng druh ndăm, rƀŏng tât Đại hội Đảng lam dak tal XIV (năm kan 2025-2030).

Tât râng ndrel ntoh nau tâm nar rƀŭn, Kruanh Uỷ ban Trung ương MTTQ Việt Nam Đỗ Văn Chiến rnê nuih n’hâm leo trong lor, blau nau mhe bah druh ndăm lam dak ndrel đă ăp gưl, ăp ntŭk kan lŏ pơk trong gay rmôt seuh ndăm ƀư ueh tâm hun hao văng sa, rêh jêng, ntrơn rgâl mrô, mât ntŭk ntu, ndâk njêng ƀon lan mhe ndrel mât kơl an ân kon se jê̆, ngăn lah kon se tâm nkuăl jru, ngai, n’har bri, gôl dak. Nkre lah rjăp nau dơi bah ntŭk kan Đoàn tâm nau ƀư tĭng n’hâm dăng dnrle nau mpŏng kơl an bah rơm mom tâm rach năm mhe./.

VOVTaynguyen

Viết bình luận

TIN CÙNG CHUYÊN MỤC