Kêng măng 2/6, ta Kon Tum, Tổng Bí thư Tô Lâm pah kan đah Ban Thường vụ Tỉnh ủy Kon Tum n’hanh Rnâng kan Tỉnh ủy Quảng Ngãi, ntơm nău tĭng ƀư Nghị quyết Trung ương, dăp rgum nuĭh kan, hun hao wăng sa- rêh jêng kon nuĭh, đăp mpăn njrăng n’gang neh dak- rnă njrăng n’hanh pah kan đăp mpăn rêh jêng.

Tổng Bí thư nchŏng kloh săk geh tâm nkrêp đah bar n’gor n’hanh  lah rjăp nău dăn đă n’glăp nsum Kon Tum n’hanh Quảng Ngãi lah njuat hăn têh jong gay jêng nhih pah kan mhe têh kuâng, săk geh hun hao đăt ndal, jêng bôk hun hao nkual miền Trung - Tây Nguyên. Tổng bí thư đă rdâk njêng trong uănh jong hun hao mhe, buăt nthoi nkual Đông - Tây, rƀah gĭt dăp rgum tâm di dăp rgum gưl neh dak, rƀŏng tât hun hao nđĭr uĕh, jŏ jong n’hanh trong leo ƀư âk rgum tơm. Nkre, Tổng Bí thư đă nchrăp ăp dăp Đại hội Đảng bộ ăp gưl, tĭng ƀư di rêng, der bah rgum lăp lêng lang, đăp mpăn nău nău ngăn geh nô nău mhe lôch n’glăp nsum.