Hăn tahen ntơm rnôk 14 năm, tahen ơm Lê Xuân Quang, năm aơ 70 năm, mbơh:

            ‘Năm mhe năm1969 rnôk gâp tă bah ntŭk tâm lơh miền Đông, tăng lah Kruanh Hồ Chí Minh hơn rhơn Tết bah nau tâm ndring... Tăng bâr Wa tăng ueh ngăn, lŏ nơih gĭt ƀư săk gâp nơm geh nau ŭch ngăn tâm săk, jêh aơ mra nsôih ƀư du ntŭk ân nơm joi ƀư nau kan nkah tât Wa Hồ”.

            50 năm mĭn ŭch, joi, tât năm 2018, jêh rnôk nkra ngih dôl gŭ, wa dŏng du dăp ngih ƀư du ntŭk mât êng mpeh Kruanh Hồ Chí Minh. Tăng nkoch geh ntŭk geh ndơ Kruanh Hồ Chí Minh lah wa tât, mô knŭng lah tăng tâm Radio, Tivi, báo mbơh nkoch tât kruanh Hồ Chí Minh, wa mra nchih tay.

            Leo hên hăn khâl ntŭk mpla n’hơ hvi nklăp 300 m2, wa Quang mbơh ăp rup, săm ƀŭt khlay rgum joi bah âk ntŭk. Ngăn lah, rup wa Hồ sĭt trong Trường Sơn, rup ndeh sar tom tâm mpông Dinh Độc Lập tâm dĭng nar lơ 30/4/1975 ndrel âk rup ueh geh wa Quang ndâk ƀư ueh ngăn tâm njok bar đah mpir ngih păng nơm:

            ‘Lăp tâm aơ rơh bôk năp saơ geh ndơ nchih nkah nkoch trong hăn joi trong kơl an neh dak bah wa Hồ bah 40 năm. Ntơm bah aơ, Kruanh Hồ Chí Minh geh rgum nau blau, nau dơi, nau mpŏng tât nau đăpmpăn, ueh lăng ân rnoi mpôk, nau ueh dơi bah Hồ Chí Minh mpeh nau rđau kan cách mạng geh nau dơi. Hôm aơ lah Pác Bó, suối Lênin, yôk Các-mác, aơ lah Đại hội Diên Hồng năm 1945...Hôm aơ lah 2 ntil ndơ ma Wa dŏng âk ngăn nê lah máy goh rplay săm ƀŭt ndrel radio...Hôm aơ lah rup ăp ngih bah wa tâm mpeh Bắc, miền Nam, đah trong dak, ndrâm dak, duk...geh ân tâm nklang ntŭk geh mpla n’hơ ndơ, kơt ŭch nkoch nuih n’hâm bah ƀon lan miền Nam vơt Kruanh Hồ Chí Minh rnôk đăp mpăn neh dak”.

            Rgâl ma knŭng pơk mpông tâm ăp rnôk geh nau khlay, bảo tàng ê săk wa mpeh Kruanh Hồ Chí Minh bah wa Quang mrơpk mpông mro.  Wa kŏ lah nŭih ntĭm mbơh ăp ndoh ndơ geh tâm aơ ân geh nau ueh, mhe mpeh Wa. Oh Hoàng Ánh Ngọc, tâm nkuăl ƀon têh Hồ Chí Minh, tât uănh “ntŭk ơm ueh Hồ Chí Minh’, nkoch:

            ‘Gâp ndrel ma me mbŏ gâp ndrel ăp nŭih kônh wa, ăp nŭih tahen ơm, tât hăn uănh “Ntŭk mât ndơ ơm yeu ueh Hồ Chí Minh’ bah wa Quang ueh ngăn...ntŭk aơ păng geh ƀư ueh ngăn ngên, jêr đŏng. Wa Quang dŭt n’hâm ŭch ngăn ma ăp ndơ aơ mơ dơi geh ƀư kơt aơ. Rơh mom kơt gâp dơi geh gĭt lơn tât Kruanh Hồ Chí Minh, mpeh nau tâm lơh bah rnoi nơm gay geh nau đăp mpăn kơt rnôk aơ”.

            Tâm rnôk 70 năm, wa Lâm Xuân Quang ŭch mra dơi ndâk “du ntŭk nkah Hồ Chí Minh” đah công nghệ 4D gay nkah tay ăp nau ueh tât rup, săm ƀŭt mpeh Wa kơl an ƀon lan Việt Nam ndrel băl bên lam ntur neh ŭch gĭt tât Kruanh Hồ Chí Minh du ntrong ueh ngăn ngên./.