Măng 22/5, ta Ngih kan Chính phủ, Thủ tướng Phạm Minh Chính ƀư tơm rơh rƀŭn an rgop nău mpeh dự thảo Nghị quyết ndâk njêng Ntŭk kan Prăk kaih lam ntŭr neh ta Việt Nam.

Ntoh ngơi ta rơh rƀŭn, Thủ tướng lah rjăp: Nău rƀŏng têh tât rơh nkah gĭt 100 năm ndâk njêng Đảng n’hanh neh dak, Việt Nam an hun hao ngăch, uĕh nđĭr, nâp nâl n’hanh geh hao jêng 2 mrô.

Ŭch ndrĭ, an âk prăk, tâm nĕ Ntŭk kan Prăk kaih lam ntŭr neh mbra ƀư tơm khlay, ntop tay tơm prăk an hao jêng. Thủ tướng đă, an ntŭk kan lôch uĕh, an ndâk njêng trong pháp lý mhe, kloh rah wah, nta an dơi ân nuĭh ntuh kơl. Nkre, an lôch jêh ngih wâl mhe, tâm di nău đă hun hao n’hanh tâm di đah trong hăn lam ntŭr neh n’ăp nău geh Việt Nam. Mpeh nuĭh kan, Thủ tướng lah rjăp ŭch rmôt way kan, uĕh blău. Lơn lah, nta an ntŭk ntô tăch rgâl rlet rlău, dah ŭch an nuĭh ntuh kơl, hăn tât “dah rŏng nsum” geh trong tâm di.