Lơ 8/5, N’gâng kan ntĭm rđău Tahen n’gor Dak Lak ƀư Rƀŭn nchră n’glôch jêh n’hanh rnê rhơn ntoh lư gĭt blău tâm 10 năm ƀư tĭng ntĭm đă bah N’gâng kan Chính trị mpeh “Ntrôl dăng nti n’hanh ƀư tĭng nău mĭn, pah kan, nău rêh Hồ Chí Minh”. Rlău 3.100 nuĭh n’hanh 1.600 rmôt tâm tahen dơi ăp gưl rnê nkhôm, an saơ nău rêng hvi n’hanh săk rnglăy bah nău rgŏ jă. 10 năm bah năp, rmôt vũ trang n’gor Dak Lak lĕ geh âk nău rgâl khlay bah “Nău wât” tât “Ƀư tĭng” nău mĭn, nău rêh, pah kan bah Wa.

Tâm rnôk mbơh ƀư lĕ ntop âk ntrong ƀư uĕh, trong ƀư di, dơi pơk hvi ta ăp ngih pah kan, ntŭk kan, kơt: Bôk nău ntuh ngơi “Du nar du nău Wa Hồ ntĭm”; ntrong leo “Ngơi đet, nchih đêt, tâm ôp tâm nchră đêt, ntĭm jru hvi, uănh nđôi na nê̆, săk rnglăy âk”; ăp ntrong leo “Nar prao kơl êng”, “Nar pơh uĕh nđĭr”, “Sơm săk Tahen Wa Hồ rơh mhe”... Di rơh aơ, Đảng ủy-N’gâng kan ntĭm rđău tahen n’gor Dak lak lĕ rnê rhơn 35 nsum mpôl n’hanh êng nuĭh ntoh lư nti n’hanh ƀư tĭng nău mĭn, pah kan, nău rêh Hồ Chí Minh lvang 2016-2025.