Ôi 23/5, ta Nghĩa trang liệt sĩ nkuăl Đức Cơ, n’gor Gia Lai lĕ ƀư njor n’hanh tâp 23 nting tahen kơl kan n’hanh way kan Việt Nam, khĭt ta neh dak Campuchia tă bah ăp rơh tâm lơh tâm su. Ăp nting dơi Đội K52 (N’gâng kan Ntĭm rđău tahen n’gor Gia Lai) joi, rgum tâm yan wai 2024-2025 ta 3 n’gor Đông Bắc Campuchia.

Kơp tât aƀaơ, Đội K52 lĕ rgum n’hanh djôt sĭt geh dĭng lĕ 1.512 nting tahen, saơ nău nsrôih mô rlu tâm trong nkah gĭt ăp nuĭh lĕ roh yor nău kan têh. Nar ƀư tâm mông nar rep rjăp n’hanh rngot klâng, geh nău râng bah kruanh n’gor Gia Lai, n’gor Preah Vihear, ntoh măt rmôt tahen Hoàng gia Campuchia, ăp nău kan, nsum mpôl, rmôt tahen ta ntŭk, ndrel âk nuĭh ƀon lan. Ăp đại biểu lĕ ryơk su nhang, an nkao, mpơl nău nkah gĭt jru ta năp nău roh janh dăng bah ăp nuĭh kon ntoh lư bah Neh dak yor đăp mpăn n’hanh nău tâm rnglăp đah rnoi nuĭh Việt Nam-Campuchia.