Kêng măng 3/6, Thủ tướng Phạm Minh Chính ƀư tơm rơh rƀŭn Ban Chấp hành Đảng bộ Chính phủ, tâm nchră, lôch jêh văn kiện mbơh an Đại hội năm kan 2025-2030. Mpeh năm kan 2020-2025, Thủ tướng nkoch kloh rnôk dŭt khlay đah âk nău rgâl mô hŏ tă geh kơt COVID-19, tâm lơh lam ntŭr neh, trôk nar lơh..., Chính phủ rgum 3 nău mhe têh, hun hao ntung trong, trong rđău kan, nuĭh pah kan; đăp mpăn têh, đăp mpăn nău rêh jêng.

Yơn lah, hôm e nkân kơt trong rđău kan nkĭng nkăng, rgâl nkra hành chính mô hŏ tâm di nău đă, kỷ luật mô hŏ rjăp. Thủ tướng đă văn kiện nkoch kloh nău blău ơm, n’gluh trong mkra an năm kan tât; hao jêng 2 rnoh mrô, nău geh rĭng bôk nuĭh geh 8.500 đôlar, 20% rmôt Đảng lôch jêh uĕh ngăn nău kan. Uănh khlay lah rgâl ntrong kan hao jêng kloh uĕh, nâp nâl; lôch jêh ntung trong ngih wâl têh; n’hao mât njrăng bri dak, rnă njrăng.