Ôi 16/7, ta Hải Phòng, Kruanh dak Lương Cường râng n’hanh lah ta rơh ntơm pơk rgum lĕ rngôch Rơh hop tâl pe năm 2025 bah Hội đồng mbơh nti tăch rgâl APEC (ABAC III). Nar ƀư wăch rgum rlău 200 nuĭh ntơh măt dak bah dih n'hanh Việt Nam, lĕ ma kruanh ăp tập đoàn, doanh nghiệp têh bah 21 jâng wăng sa APEC.

Rơh hop rgum tâm nchră ăp nkô̆ têh khlay kơt: tăch rgâl- ntuh kơl, wăng sa mbrô, rgâl kloh uĕh, prăk kaih nâp dăng, tơm ndơ tăch, trí tuệ nhân tạo, dak si ăp tŏng… Lah ta rơh ntơm pơk, Kruanh dak rnê âk nkô̆ tâm nchră bah rơh hop dja, an lah aơ lah ăp trong an ƀư lor têh tâm trong nchrăp hun hao bah Việt Nam tât năm 2030, uănh ngai tât 2045. Kruanh dak lah rjăp Việt Nam dôl ntrôl ngăch rgâl trong tĭng, wat jêh pháp luật n’hanh rdâk njêng ntŭk ntuh kơl kloh rvah, đăp mpăn, nta trong dơh an doanh nghiệp tâm n’hanh bah dih dak.