Ôi 16/7, HĐND n’gor Dak Lak khóa X, năm kan 2021-2026 ntơm pơk Rơh hop way nkô̆ lor bôk năp gay năn droh rklaih jêr jŏt, wat jêh soih aih trong di an nuĭh kan n’gâng kan bar gưl kan geh nău tam.

Rơh hop rgum mĭn uănh, n’glêh an âk nkô̆ khlay jăch ndăn kơt: rgâl trong nchrăp ntuh kơl, kơi ntop trong nchrăp sŏk dŏng prăk kan an ăp bôk nău kan gưl neh dak, n’gluh an dŏng trong ntop kơl cán bộ, công chức pah kan ta ntŭk nhih pah kan mhe n’hanh rdâk njêng trong nchrăp hun hao 6 khay kêng dŭt năm 2025. Wa Cao Thị Hòa An – Groi Bí thư Rnâng kan Tỉnh ủy, Kruanh HĐND n’gor Dak Lak lah rjăp, lôch rnôk an ƀư n’gâng kan bar gưl ntơm bah 1/7, nuĭh kan hŏ đăp mpăn. Kruanh HĐND n’gor dăn đă ăp đại biểu n’hao nuih n’hâm dơn kan, tâm nchră na nê̆, rgop nău an săk tam gay n’gluh an dŏng nghị quyết dăch ngăn ngăn, rgop hun hao nâp dăng n’hanh rdâk nău nsing nơm bah nuĭh ƀon lan.