Kêng măng 2/6, Thủ tướng Phạm Minh Chính ƀư tơm rơh Tâm nchră an ƀư Nghị quyết 201 bah Quốc hội mpeh rlong trong đă tĭng, trong kơl ƀư njêng âk jay gŭ thuk prăk. Tĭng Bộ Xây dựng, lam dak geh 686 trong nchrăp ƀư jay gŭ thuk prăk dôl an ƀư đah 623 rbăn mblâm, tâm nê geh 117 ntŭk hŏ ƀư lôch jêh.

Êng 5 khay bôk năm aơ, hŏ ƀư lôch jêh rlău 22.600 mblâm jay n’hanh ntơm ƀư tay 21 ntŭk jay mhe, Thủ tướng Chính phủ lah rjăp, an ƀư âk jay gŭ thuk prăk lah trong kơl an geh nău rêh khlay, đăp mpăn nău dơi geh ntŭk gŭ an nuĭh ƀon lan, lơn lah nuĭh mô tŏng geh.  Thủ tướng rnê âk nău nsrôih bah ăp n’gor, nkre nchŏng kloh nha hôm âk kŏ kol ân dơi droh rklaih. Nău ŭch tât 2030 wat jêh 1 rkeh mblâm jay gŭ thuk prăk, êng năm 2025 lah 100 rbăn mblâm. Thủ tướng đă ăp gưl kruanh rđău kan, lơn lah nuĭh mât bôk, ân uănh khlay di rnoh, ra uănh tay trong tât đah tơm prăk, neh ntu, siƀŭt gay nta trong dơh an nuĭh ƀon lan n’hanh doanh nghiệp.