Lơ 3/6, Tổng Bí thư Tô Lâm ƀư tơm nar pah kan đah Ban Thường vụ N’gor ủy Bến Tre, Trà Vinh n’hanh Vĩnh Long gay uănh lah nău mbơh ƀư ăp nghị quyết, n’glôn jêh bah Trung ương. Tổng Bí thư rnê 3 n’gor lĕ geh săk rnglăy uĕh mpeh wăng sa-rêh jêng, ngăn lah ngăch hao jêng wăng sa đăp mpăn tâm năm 2024 n’hanh bôk năm 2025.

Tổng Bí thư lah rjăp, nău nglăp nsum 3 n’gor lah di an rgâl bah ntrong kan hun hao êng chrai an tâm pă nkual, gay wăch rgum ntuh kơl têh, hun hao ntung trong boăt nthoi, wăng sa uĕh nđĭr n’hanh rgâl mrô. Wa đă 3 n’gor rgum kơp uănh nău ƀư tĭng ăp rnoh ndơ ƀư Đại hội Đảng năm kan 2020-2025, ngăch geh trong mkra an ăp rnoh ndơ ƀư jêr geh, nkre ndâk ƀư trong uănh hun hao jêh nglăp nsum, rƀŏng tât jêng ntŭk hao jêng mhe dơi tâm rlong lam dak, hun hao uĕh nđĭr, gĭt blău, âk ntŭk n’hanh rgum lăp lam ntŭr neh.