Kêng măng nđaơ (23/5), ta Ngih kan Chính phủ, Groi Thủ tướng Nguyễn Chí Dũng ƀư tơm rơh rƀŭn mpeh nău tâm pă gưl, tâm pă nău dơi bah N’gâng kan Khoa học n’hanh Công nghệ tĭng nău ntrŭnh bah Luật tổ chức Chính phủ, Luật tổ chức n’gâng kan ƀon lan n’hanh ndâk ƀư n’gâng kan ƀon lan 2 gưl. N’glôn jêh rơh rƀŭn, Groi Thủ tướng Nguyễn Chí Dũng đă N’gâng kan Khoa học n’hanh Công nghệ mât uănh jăp ăp nău ntrŭnh, tâm pă gưl rjăp tĭng nuih n’hâm ƀon lan ntrŭnh an, ƀon lan ƀư, ƀon lan dơn uănh nău kan.

Đah nău kan bah gưl nkuăl, an ƀư kloh nău kan moh nău njuăl an n’gor, moh nău kan njuăl an xă. Mĭn njêng djăt lĕ nău rgop bah ăp N’gâng kan, nău kan, geh wăk kol an ôp dâl, ƀư ngăch, ƀư di. Đah 154 nău kan mô tâm pă gưl, an kơp uănh tay, moh nău kan dơi tâm pă gưl tay, đăp mpăn mât di ngăch, lôch jêh dự thảo nghị quyết bah năp lơ 30/5/2025 gay N’gâng kan Tư pháp uănh năl, n’hanh an bah năp lơ 25/6/2025, hăn an dŏng bah 1/7/2025.