Ôi aơ 24/5, ta ngih njor khĭt Neh dak, mrô 05 Trần Thánh Tông, nkuăl ƀon têh Hà Nội, Rnâng kan rđau kan Trung ương Đảng Cộng sản Việt Nam, Quốc hội dak Cộng hoà xã hội chủ nghĩa Việt Nam, Kruanh dak Cộng hoà xã hội chủ nghĩa Việt Nam, Chính phủ dak Cộng hoà xã hội chủ nghĩa Việt Nam, Uỷ ban Trung ương Mặt trận Tổ quốc Việt Nam ƀư nau njăt đồng chí Kruanh dak ơm Trần Đức Lương đah nau ƀư kan gưl neh dak.

            -Leo bôk rmôt hăn lăp chang, Rmôt kan Rnâng kan rđau kan Trung ương Đảng Cộng sản Việt Nam yor đồng chí Tô Lâm, Tổng Bí thư Rnâng kan rđau kan Trung ương Đảng, ƀư tơm leo lăp chang đồng chí Trần Đức Lương, drâu Kruanh dak ơm.

            Ntĭnh drâu Kruanh dak Trần Đức Lương, Tổng Bí thư Tô Lâm nchih tâm săm ƀŭt nkah: ‘Dŭt n’hâm nkah klâng đồng chí Trần Đức Lương-nŭih đảng viên Cộng sản dăng, nŭih rđau kan gơih, blau, nŭih kon gĭt nau bah ƀon tơm Quảng Nam janh dăng, âk nau vay ơm cách mạng”.

            Đồng chí Trần Đức Lương hŏ n’hor n’hâm nơm lôch nau rêh ân nau kan cách mạng bah Đảng ndrel rnoi mpôl. Tâm moh nau kan, đồng chí mro ntoh nuih n’hâm chính trị nâp dăng, nau rêh ueh ang, geh nau ƀư pah kan khoa học, nsôih; geh nau rêh tâm dăch dơh, mleh, tâm boh ma đồng chí, oh nô, đah ƀon lan...geh đồng chí, oh nô, băl bên ndrel ƀon lan ryơk.

            Đồng chí lĕ roh lah du nau hoach têh đah Đảng, Ngih dak ndrel ƀon lan nơm. Dăn nkêng săk nơm bah năp rup huêng bah đồng chí ndrel dăn njoăl tât rnăk vâl đồng chí nau tâm pă nau rngot jru ngăn”.

            -Rmôt kan Kruanh dak Cộng hoà xã hội chủ nghĩa Việt Nam yor đồng chí Lương Cường, Uỷ viên Bộ chính trị, Kruanh dak Cộng hoà xã hội chủ nghĩa Việt Nam, ƀư Kruanh rmôt kan lăp chang đồng chí Trần Đức Lương, drâu Kruanh dak ơm.

            -Rmôt kan Chính phủ dak Cộng hoà xã hội chủ nghĩa Việt Nam yor đồng chí Phạm Minh Chính, Uỷ viên Bộ chính trị, Thủ tướng Chính phủ dak Cộng hoà xã hội chủ nghĩa Việt Nam, ƀư Kruanh rmôt kan lăp chang đồng chí Trần Đức Lương, drâu Kruanh dak ơm.

            -Rmôt kan Quốc hội, dak Cộng hoà xã hội chủ nghĩa Việt Nam yor đồng chí Trần Thanh Mẫn, Uỷ viên Bộ Chính trị, Bí thư Trung ương Đảng, Kruanh Quốc hội dak Cộng hoà xã hội chủ nghĩa Việt Nam ƀư tơm rmôt kan lăp chang đồng chí Trần Đức Lương, Kruanh dak ơm.

            -Rmôt kan Uỷ ban Trung ương Mặt trận Tổ quốc Việt Nam yor đồng chí Đỗ Văn Chiến, Uỷ viên Bộ Chính trị, Bí thư Trung ương Đảng, Kruanh Uỷ ban Trung ương Mặt trận Tổ quốc Việt Nam ƀư tơm rmôt kan lăp chang đồng chí Trần Đức Lương, Kruanh dak ơm.

            -Nau leo lăp chang đồng chí Trần Đức Luơng geh ƀư rnôk 7h00 ôi 25/5/2025 tâm ngih njor Neh dak, rmô 5 Trần Thánh Tông, nkuăl ƀon têh Hà Nội. Nau leo tât rnôk 3h00 kêng măng ndrel nar tâm ntŭk tâm ƀon tơm, xã Phổ Khánh, nkuăl têh Đức Phổ, n’gor Quảng Ngãi.