Ta rơh tâm nchră ngơi, Thủ tướng Phạm Minh Chính lĕ du tŏ tay rhơn Singapore lĕ geh ƀư dơi rơh săch kruanh, Thủ tướng knơm đah nău kan ma nuĭh ƀon lan Singapore rlet rlău ăp nău ntul rlong, geh hun hao đăp mpăn, têh dăng tay. Tâm mbơh mpeh nău tâm boh kan Việt Nam- Singapore, THủ tướng Phạm Minh Chính dăn đă 2 ding ntrôl dăng nău tâm kơl wăng sa, pơk hvi ntuh kơl bâh Singapore ta Việt Nam, ngăn lah ta trong kan công nghệ mhe, ŭnh nar mhe njêng, ndơ dŏng ntung trong ueh mhe n’hanh hun hao nkưal ƀon têh nâp nâl, n’hao nău tâm kơl ta ăp trong kan tăch ndơ an dak bah dih điện sial, tâm mbơh mpeh tín chỉ carbon, tâm mbơh mhe tơm prăk, hun hao ndrâm dak lêng n’hanh njrăng, rdâng nău tih rgŏ n’har bri. Bar Thủ tướng tâm ban ŭch mbra tâm nchră na nê̆ mpeh tâm kơl 2 ding n’hanh ăp nău êng di rơh rƀŭn nchră gâl têh ASEAN tât tay ta Malaysia.