Nar 30/5, ta Tokyo, Nhật Bản, Groi Thủ tướng Chính phủ Nguyễn Chí Dũng hŏ geh nău lah khlay ta Tâm nchră nău rêh let năp tay châu Á, nkoch mbơh trong kan hun hao bah Việt Nam n’hanh dăn đă ăp trong nkra rdâk njêng châu Á nâp dăng.

Groi Thủ tướng lah rjăp Việt Nam dôl rƀŏng tât hun hao bar rnoh mbrô n’hanh tĭng ƀư bar rnoh tât kan 100 năm ma pe trong đăt ndal têh jong: trong tĭng, ndơ dŏng n’hanh tơm nuĭh kan. Bah meng nê lah puăn n’gâng tơm: rgâl mhe, hun hao wăng sa êng bah dih ngih dak, rgâl di pháp luật, n’hanh lăp rgum dak bah dih. Păng lah rjăp nău khlay bah khoa học - công nghệ, rgâl mbrô tâm hun hao. Groi Thủ tướng rnê âk nău hun hao bah Nhật Bản n’hanh  lah rjăp tâm boh Việt Nam – Nhật Bản geh nkô̆ khlay mô dơn đah bar dak ma hôm đah lĕ ma nkual n’hanh lam ntŭr neh đŏng.