Thủ tướng lah na nê̆ nău ta ntŭk ntrŭnh, ta ntŭk ƀư, ta ntŭk dơn nău kan, hăn ndrel đah pă rnoh nuĭh kan, n’hao nău dơi ƀư tĭng n’hanh n’hao uănh nđôi, uănh năl, njrăng sa nkhiăn sa ƀer. Thủ tướng đă n’gâng kan Tư pháp n’hanh n’gâng kan Nội vụ dơn ngoăy mpeh rnoh mbrô ăp nghị định pă kan, pă nău dơi bâh chính phủ tât ăp n’gâng kan, ntŭk kan, tâm nĕ geh 28 Nghị định lĕ geh rdâk njêng n’hanh tât lơ 30/5, lĕ rngôch 28 Nghị định geh uanh năl lôch n’hanh an geh mbơh tơih ndŏ an n’gâng kan chính trị. Thủ tướng an lah, bâh aƀaơ tât lơ 10/6, ăp n’gâng kan, ăp ntŭk kan geh dơn nău tâm rgop, uănh năl tay ăp nkô̆ nău an mât đăp mpăn tâm di nău ngăn, mô nklơi, mô tâm ntrŭp...ăp groi Thủ tướng geh pă jao nău kan uănh nđôi tay, ƀư lôch n’hanh mbrơi ngăn lah tât lơ 15/6 an geh ƀư lôch ăp nghị định. Lôch nĕ, nchrăp leo ƀư rơh rƀŭn nchră mbơh tơih tât ăp ntŭk, mbrơi ngăn lah lôch ta năp lơ 18/6.