Kơp tât nar 26/5, bôk nău kan jut jăng nhih jay truh sat, nkưp nde ta n’gor Gia Lai hŏ ntơm pah neh ƀư 7.631 mblâm jay, geh tât rlău 93% rđĭl đah trong nchrăp. Tâm rnoh dja, geh 6.191 mblâm jay mon mhe n’hanh 1.440 mblâm jay nkra tay. Tĭng trong nchrăp, n’gor Gia Lai mbra kơl 8.155 rnăk jut jăng nhih jay truh sat, nkưp nde.

Tâm nê, geh 6.562 rnăk dơi mon mhe n’hanh 1.593 rnăk dơi nkra tay. Lĕ rngôch prăk dŏng ƀư rlău 441 rmen prăk. Ăp mblâm jay mon mhe dơi ntop kơl 60 rkeh prăk; jay nkra tay dơi ntop kơl 30 rkeh prăk. Wa Dương Văn Tuấn, Kruanh UBND xã Ia Piar, ngoăy tâm ăp xã dâk bôk năp mpeh rnoh ngăch jut jăng jay truh sat, nkưp nde ta nkuâl Phú Thiện, an gĭt: lam trong kan chính trị ndrel râng đah nuĭh ƀon lan gay ơm ƀư wat jêh bôk nău kan. Nău an ƀư bôk nău kan jut jăng jay truh sat, nkưp nde, mô dơn nta geh ntŭk gŭ đăp mpăn bah rlău 8000 rnăk ƀon  lan, ma hôm rgop tĭng ƀư rnoh tât n’hŭch ach o n’hanh đăp mpăn lam rêh jêng kon nuĭh tâm n’gor Gia Lai.