Thủ tướng Chính phủ Phạm Minh Chính mhe ký siƀŭt njuăl kruanh rđău kan ăp n’gâng kan n’hanh ăp n’gor, nkual ƀon têh trung ương, đă rgum ƀư wat jêh jut jăng lĕ rngôch nhih jay truh sat, nkưp nde tâm lam dak bah năp nar 31/8/2025. Tĭng nău mbơh, rlău 205 rbăn mblâm jay nkưp nde hŏ dơi ntop kơl rơih jăng. Lơn lah, 21 n’gor, nkual ƀon têh mpeh trung ương hŏ mô hôm geh nău jay nkưp nde.

Gay ntik n’hao ăp nău dơi hŏ geh n’hanh mbah rhơn nkah ndray 80 năm Cách mạng khay Pham geh nău dơi tâm ban kơt Quốc khánh nar 2/9, Thủ tướng đă ăp nhih pah kan dơi kan ndrel ăp n’gor n’hao dăng rđău đă n’hanh an ƀư âk trong leo tâm rlong “Nsum ti jut jăng jay truh sat, nkưp nde tâm lam dak tâm năm 2025". Nău ŭch tơm lah ƀư wat jêh nău ntlơi jăng jay nkưp nde lam dak bah năp nar 31/8/2025. Pah kan an ƀư ân đăp mpăn tĭng nău way "6 kloh" (kloh nuĭh, kloh nău kan, kloh nău dơn kan, kloh n’glĕ nău dơi kan, kloh mông nar n’hanh kloh lôch jêh) ndrel "4 ngăn" (lah ngăn, ƀư ngăn, lôch jêh ngăn, nuĭh ƀon lan dŏng ngăn).