Kêng măng 30/5, Kruanh Ủy ban Trung ương MTTQ Việt Nam Đỗ Văn Chiến leo mpôl pah kan hăn tât nkuâl Chư Păh, n’gor Gia Lai tĭng ƀư ăp nău kan ntop kơl nsum mpôl. Ta thị trấn Ia Ly, mpôl hăn hŏ ntơm rdâk njêng jay kơl tâm rŏng nuĭh rnoh khlay 80 rkeh prăk an oh Rơ Châm Quyên – kon se nti ach o mô geh neh tuch tăm, me bơ̆ hăn kan thuê.

Kruanh Đỗ Văn Chiến mpŏng jay mhe mbra lah jâng nsing kơl rnăk oh đăp mpăn nău rêh, nsan hao klaih rlău ach o. Ta xã Ia Ka, mpôl pah kan hŏ koh bok sa nkra tach pah play rnoh khlay 150 rkeh prăk, nkra jay jay Rot n’hanh jay văn hóa ƀon đah prăk ƀư 80 rkeh prăk, pă an 5 ntŭk pơk wifi. Ndrel nar, mpôl hŏ tât khâl, pă nklâm ndơ Me Việt Nam dăng janh Lê Thị Thọ (93 năm deh), gŭ ta nkual ƀon têh Pleiku, mpơl nău nkah gĭt jru đah ăp rơh kơn hŏ n’groh an neh dak.