Ôi nđaơ (29/5), ta Ngih Chính phủ, Thủ tướng Phạm Minh Chinh rgum nchră Tổng thống Hungary Sulyok Tamas tâm rơh khâl na nê̆ Việt Nam. Thủ tướng Chính phủ Phạm Minh Chính lah rjăp rơh khâl dŭt geh nkô̆ nău tâm rnôk 2 dak nkah gĭt 75 năm ndâk njêng tâm boh tâm rnglăp nchră nău (1950-2025) n’hanh Việt Nam nkah gĭt 80 năm ndâk njêng neh dak.

Thủ tướng mĭn lah Việt Nam mô dơi chuêl nău kơl, nău kơl khlay ma Hungary lĕ an Việt Nam tâm rơh njrăng n’gang sŏk đăp mpăn, kơp dơn neh dak bah năp đaơ n’hanh ndâk njêng, hun hao neh dak aƀaơ hin. 2 ding tâm ban ŭch mbơh ƀư săk rnglăy ăp tâm ton đah 2 dak, ntrôl dăng kan ndrel tâm ăp ntil nău way kơt tăch rgâl-ntuh kơl, khoa học-công nghệ, ntĭm nti, mât njrăng bri dak-rnă njrăng, dak si, văn hóa-pâl nđaih n’hanh tâm nđŭr nuĭh ƀon lan, nkre pơk hvi kan ndrel tât ăp ntil nău 2 ding dơi geh âk n’hanh nău ŭch ntop kơl kơt rgâl mrô, nău mĭn bôk rngok mhe, lŏ mir, dak si, pah kan.