Rlău 20 năm bah năp, lơ 1/1/2004, n’gor Dak Nông na nê̆ dơi njêng nkhah luh bah n’gor Dak Nông tĭng Nghị quyết bah Quốc hội. Nău rƀŏng rnôk nĕ lah ntrôl hun hao nkual Tây Nguyên, n’hao săk rnglăy mât uănh hành chính n’hanh đăp mpăn mât njrăng bri dak rnă njrăng. Yơn ta nkual neh “rhuai êr si so mô ban sial Dak Song”, ach o ntung trong, nău rêh jêng hôm e đêt, ăp play gạch bôk bah n’gâng kan ƀon lan lĕ dơi an yor du rơh cán bộ mom dŭt n’hâm. Trong hăn bah khân pơng lah balo ta nglih n’hanh nđơr dŭt n’hâm. Mô geh ntŭk gŭ, khân pơng manh jay. Mô geh điện dak, khân pơng joi rwâ̆ch. Mô tŏng rmôt, khân “nkre kan nkre nti”. Tâm ăp nău nkoch uĕh bah cán bộ nĕ,  lah n’ăp jêr jŏt mô ăp mô tŏng, yơn mô dơi mô geh nău nsing nơm:

Tât ôi nar ngoăy ri 4 mông 30 mnĭt lah hăn. Tât ta aơ du pơh sĭt đah ur kon 1 tơ̆. Hao ta aơ gŭ nsum, măng ngêt sa nsum, gŭ âm nsum. Jêh nĕ.. oh nô tâm ntrŭt nsôr lôch uĕh nău kan.

Bah ăp năm khay njê, nar aơ Dak Nông lĕ rgâl âk. Nkual ƀon têh Gia Nghĩa nar lơ kloh uĕh, ntung trong rĭng lơn, ăp ntil nău kơt ntĭm nti, dak si, văn hoá, pâl nđaih geh trong hăn dăng. Nău aơ dơi wa Ngô Thanh Danh, Bí thư n’gor Ủy Dak Nông mĭn lah:

Jêh 20 năm ndâk njêng tay n’gor, Dak Nông lĕ rklaih luh nău bah 1 n’gor ach o mô hun hao đah ăp nău ntoh lư. Ngăch hao jêng wăng sa geh rnoh âk, têh hvi dĭng lĕ ndơ rlău 12 tơ̆, dĭng lĕ prăk ntuh kơl  hun hao lam nău rêh jêng rlău 12 tơ̆, nău geh rĭng bôk nuĭh rlău 13 tơ̆ nkôp đah năm 2024”.

Nĕ mô knŭng lah ăp rnoh! nĕ lah săk rnglăy bah du trong cán bộ lĕ “tung ta nglĭk lĕ du lvang nkra tay, bah mô tât geh. Aƀaơ, nău ntrŭnh nglăp nsum Dak Nông lăp Lâm Đồng dơi ƀư, rmôt cán bộ Dak Nông lŏ lăp tay du trong hăn mhe, nkre âk nău mpŏng kâp nkre mô đêt nău klăch rwê, yor aơ lah mô knŭng lah njoăt rgâl bah n’gâng kan hôm lah rơh rgâl lĕ nău rêh. Yuh Lê Thị Huệ, cán bộ Ban Tổ chức N’gor ủy an gĭt:

Mpôl hên djăt ngơi răm lah abaơ 1 rnôk 5 ƀon tơm. Mpôl mpôl hên nsing nơm tâm trong nău kơl bâh Đảng, mpŏng geh nău mhe, uĕh ta ntŭk gŭ mhe, ntŭk kan mhe. Mpôl hên mbra nsrôih nsơr soan dơm.

Yuh Nguyễn Thị Quy, Kruanh jrô kan Thời sự, Radio ntuh ngơi n’hanh ntuh rup n’gor Dak Nông nkoch:

Rnôk nĕ he hăn đah nuih n’hâm druh ndăm, mô geh nău wăk kol rnăk wâl. Rơh aơ đah nuih n’hâm nchrăp yơn he an dăp rep êng. Kơt rnăk wâl gâp geh jêt an nti moh ntŭk, moh nău ƀư... Ăp nău an mĭn joi, mĭn kơp n’hanh nchrăp.

Lah 20 năm bah năp, ăp cán bộ bah n’gor Dak Lak luh nkual ƀon têh Buôn Ma Thuột tât Gia Nghĩa đah nuih n’hâm hăn lor bah druh ndăm, ri aƀaơ, khân pơng bah Gia Nghĩa trơn hăn Đà Lạt đah janh dăng bah nuĭh tă rlău. Wa Nguyễn Thị Thu Hường, Groi kruanh Ban Tổ chức N’gor ủy Dak Nông mĭn lah, bôl rwê yơn cán bộ Dak Nông hôm e lĕ nuih n’hâm rlet jêr jŏt n’hanh nuih n’hâm nsơr soan:

20 năm rgop n’hanh ndâk njêng n’gor Dak Nông, mpôl hên gơih nđơr hăn trong n’hanh lĕ dơi mĭn lah nơm. N’hanh rơh aơ nglăp nsum tay n’gor, mpôl hên mbra mât uĕh đah nuih n’hâm bah cán bộ đảng viên. N’hanh nkre ntrŭt đă rmôt cán bộ, đảng viên n’hao nuih n’hâm n’hanh nchrăp hăn trong.  

Nău nglăp nsum Dak Nông-Lâm Đồng-Bình Thuận mô êng lah dăp tay n’har neh hành chính. Đah trong uănh jŏ jong, aơ lah di an hun hao nkual wăng sa khlay mpeh bah dâng Tây Nguyên, ntŭk 3 nkual văn hóa Dak Nông-Lâm Đồng-Bình Thuận dơi rgum, tâm rlŭk n’hanh rêng hvi. Wa Lê Thành Hiệp, Giám đốc Trung tâm văn hóa điện ảnh Dak Nông nsing nơm:

Rnôk 3 n’gor dơi nglăp nsum tay jêng du n’gor Lâm Đồng, nău dơi hun hao nkual wăng sa mhe, tâm nĕ lơn lah mpeh văn hóa, rnoi nuĭh bah 3 nkual mbra geh âk njoat gay he tâm nđŭr nti ren gay tâm wât tay âk nău uĕh văn hóa bah 3 nkual gay hun hao mpeh văn hóa, pâl nđaih gay hun hao nsum an n’gor Lâm Đồng mhe.

20 năm bah năp, ăp cán bộ ta Dak Lak ngai rnăk wâl, ndâk njêng n’gor mhe Dak Nông. 20 năm bah kơi, khân pơng hăn trong luh Dak Nông đah âk nău blău ơm n’hanh nuih n’hâm. Ăp cán bộ Dak Nông nar aơ lah ăp chông cờ hăn lor, mât lĕ nău sing nơm n’hanh nău khlay bah ăp rơh cách mạng ma Đảng, Ngih dak n’hanh nuĭh ƀon lan he lĕ n’hanh dơi ƀư; tĭng tâm rgŏ năp knŭng geh nuih n’hâm leo săk rlet rlău jêr jŏt dơi ƀư jêng./.