Ta n’gor Gia Lai mhe kơp dơn du hê ntôn khĭt yor ntưp luh mê gŭr rgâl mbăn. Nuĭh ji lah mon Rơ Châm H’Niê (deh năm 2020), gŭ ta ƀon Hreng, xă Hòa Phú, nkuăl Chư Păh, n’gor Gia Lai. Tĭng uănh nđôi srê, nuĭh ji mô hŏ chuh vaccine njrăng n’gang ji luh mê gŭr. Tâm nklăp 3 pơh lor rnôk saơ ji, mon H’Niê mô hăn luh bah dih, knŭng mâp đah nuĭh bên rnăk wâl n’hanh mpôl băl ta jrô nti.

Oh bu klô bah nuĭh ji geh nău ji ndrel mông nar n’hanh dôl dơi săm đah nchroh duh rtoh luh ntôn luh mê gŭr. Jêh rnôk nuĭh khĭt dơi kơp dơn, nău kan dak si n’gor Gia Lai lĕ ƀư puh rao kaman ta nkual nuĭh ji gŭ rêh, nkre n’hao nkoch trêng, rgŏ jă nuĭh ƀon lan ndơ̆ kon se tâm rnoh năm deh hăn chuh tŏng ăp gay njrăng n’gang luh mê gŭr, n’hŭch ntưp rêng ntŭk gŭ rêh. Kơp tât rnôk aƀaơ hin, n’gor Gia Lai lĕ djôt dơn rlău 2.500 nuĭh duh rtoh luh ntôn luh mê gŭr n’hanh 217 nuĭh ntưp đah luh mê gŭr jêh uănh năl mham.