Ta Nhih pah kan kruanh dak, Kruanh dak Lương Cường hŏ ƀư tơm lễ mbơh n’hanh ndơ̆ siƀŭt n’glêh an bah kruanh dak an ăp Groi Chủ nhiệm Văn phòng Kruanh dak. Dơn nău đă bah Kruanh dak, Groi Chủ nhiệm Văn phòng Kruanh dak Phạm Thanh Hà hŏ mbơh nău n’glêh an bah Kruanh dak ntăm n’hao ăp Groi Chủ nhiệm Văn phòng Kruanh dak đah wa Cấn Đình Tài n’hanh Nguyễn Hoàng Anh, ăp nuĭh kơl kan bah Kruanh dak Lương Cường; n’hanh wa Nguyễn Dũng Tiến, nuĭh kơl kan bah Groi kruanh dak.

Ndơ̆ siƀŭt n’glêh an n’hanh mbah rhơn ăp nuĭh dơi ntăm n’hao, Kruanh dak Lương Cường lah rjăp ta ntŭk gŭ kan mhe, ăp nuĭh dơi ntăm n’hao tiăr nti tay nău han săk chính trị, mât nâp nuih n’hâm uĕh lŏng cách mạng; ntik n’hao nău dơi kan, nău way blău n’hanh nău gĭt nti tâm săk, mpư n’hao nuih n’hâm dơn kan, lor nchrăp, ngăch ngăr, rgâl blău ƀư mhe tâm pah kan, n’hao nău dơi kan mât bôk kan, nău blău nchroh, nsŏng kơl an di, năn ngăch, rgop rdâk njêng Văn phòng kruanh dak glêh tam, dăng, kan yach ngăch, geh nău dơi, nău tam.