Tĭng nău mbơh tơih, lvang năm 2021-2024, Nghệ An geh nău hun hao râng geh bơi tât 8%, nău geh râng geh du hê bôk nuĭh geh 62,5 rkeh prăk năm 2024. Tâm 3 năm ba năp, Nghệ An mbro dâk tâm rmôt 10 ntŭk geh âk nău ntuh kơl bâh dak bah dih ta lam dak. Êng mpeh bôk nău kan kơl rdâk njêng, nkra ngih jay an nuĭh ach o, lam n’gor lĕ geh ƀư lôch rlău 16 rbăn ngih jay geh tât 3/4  nău nchrăp kan, ăp nău kơl kan đah nuĭh ach o nuĭh geh kan kăl e n’hanh đăp mpăn nău rêh jêng ƀa ƀơ geh mât kơl, nău rêh nău mĭn bâh ƀon lan geh n’hao. Nău leo kan ƀư rdâk njêng Đảng geh mbơh tơih lĕ rngôch tâm ban. Ƀư tĭng ngăch ndăn nău pă dăp, ƀư ueh dơh nău kan ngih dak, n’huch rnoh nuĭh kan biên chế n’hanh n’hao nău dơi, săk rnglăy pah kan bâh ăp ntŭk kan ta trong kan chính trị ăp gâl. Rgum rdâk njêng , ndâk nkra tay ăp nău kan đảng, hun hao đảng viên ta nkual ƀon lan geh chroh, nkual njônh ngai n’hanh tâm doanh nghiệp dak bah dih.