Ôi 15/5, ta Ngih mprơ Hồ Gươm, Hà Nội lĕ ƀư Rnê rhơn 500 mon sau djăt nău Wa Hồ ntoh lư lam dak rơh tal 10-2025. Râng ƀư rnê rhơn geh Kruanh dak Lương Cường ndrel âk kruanh Đảng, Ngih dak. Aơ lah nău ƀư khlay ngăn tâm trôm Đại hội Cháu ngoan Bác Hồ lam dak rơh tal 10 gay rnê rhơn nău geh bah ăp mon sau Wa Hồ tâm rlong ƀư tĭng 5 nău Wa Hồ ntĭm”.

Ntoh ngơi ta Đại hội, Kruanh dak Lương Cường rnê rhơn âk nău geh uĕh bah 500 nuĭh ntoh lư Mon sau djăt nău Wa Hồ ntoh lư, ndrel lĕ rmôt, druh ndăm rchong lam dak lĕ geh tâm năm bah năp. Kruanh dak an gĭt, tâm rnôk rêh, Wa Hồ an lĕ nău rŏng an druh ndăm rchong Việt Nam. Kruanh dak nsing nơm ăp mon kon se lam dak mbra nsrôih âk lơn, nsrôih âk tay; tâm rnglăp ndrel mât rƀăy n’hanh ƀư uĕh tay ăp nău khlay way ơm uĕh lăng bah rnoi nuĭh Việt Nam janh dăng.