Tâm 2 nar 14 n’hanh 15/6, rơh rƀŭn nchră trực tuyến nti nău way kan, nău kan geh tât nău leo ƀư rdâk njêng Đảng, mât uănh ngih dak, leo ƀư n’hanh pah kan bâh Mặt trận tổ quốc, ăp ntŭk kan chính trị ta gâl xã mhe lĕ geh ƀư, đah bơi tât 11 rbăn ntŭk tâm ƀoh nău n’hanh 1,5 rkeh đại biểu tât râng. Bôk nău kan lĕ rgum ta ăp nkô̆ nău mpeh leo kan n’gâng kan ta ntŭk 2 gâl, n’hao săk rnglăy nău pah kan bâh lĕ trong kan chính trị ta ntŭk kan ba dâng. Ntoh ngơi nglôch lôch rƀŭn nchră, Thủ tướng Phạm Minh Chính lah na nê̆ nău kan dŭt têh ngăn lah mât nâp nău mĭn, ƀư tơm ngih dak, n’hao nău rêh ƀon lan. Thủ tướng đă n’gâng kan an geh rgâl bâh nău kâp dơm tât nău leo kan lor, mĭn kan, kơl an ƀon lan an geh săk rnglăy. Nkre lah, gâl ủy, n’gâng kan ăp gâl an geh ƀư tĭng nău ngăn, djăt nău tâm rgop bâh ƀon lan, n’hao nău geh gĭt đah ntŭk kan ba dâng, doh rklaih ăp nău hành chính, tâm lah tâm phong ngăch ndăn, dơn kan n’hanh săk rnglăy.