Tĭng nĕ, bâh lơ 21 tât 24/6, ăp ntŭk kan ƀư ntrơn ntŭk kan, pă dăp ndơ dŏng n’hanh nuĭh kan. Bâh lơ 24-25/6, leo kan rlong ăp nău kan chính trị-hành chính geh Đảng ủy, HĐND, UBND n’hanh MTTQ xã. Ta rơh rlong ƀư, Đảng ủy xã rƀŭn nchră BCH, rdâk njêng bôk nău kan khay bôk năp n’hanh ntrŭnh nău way pah kan. HĐND nchrăp an rơh rƀŭn nchră bôk năp, UBND rlong nău kan du mpông, njrăng ăp nău tât rnôk vơt kan ƀon lan, leo kan ăp nău mât uănh tâm rgop đah ăp ntŭk. MTTQ ƀư nău kan na nê̆. Ôi lơ 1/7, ăp nkưal, ăp nkuăl têh, nkuăl ƀon têh mbra tâm ndrĭh ƀư rơh mbơh tơih njêng n’gâng kan gâl xã mhe. Gay ma mât đăp mpăn, nău ngăch kan, n’gor Ủy lĕ njêng rmôt pah kan ndrel kơl đah ăp ntŭk kan têh tâm rgop mpeh kĩ thuật,mât đăp mpăn rnă njrăng rmal njrăng ăp nău tât ntoh luh.