Nkhêp di nkah gĭt 135 năm nar dêh Kruanh Hồ Chí Minh (19/5/1890-19/5/2025), măng nđaơ (15/5), Tổng Bí thư Tô Lâm râng ntơm ƀư Lễ hội Ƀon Sen 2025 n’hanh sa nkra rup ndah “Wa Hồ sĭt khâl ƀon tơm” ta xă Kim Liên, nkuăl Nam Đàn, n’gor Nghệ An. Lễ hội Ƀon Sen lah nău ƀư văn hóa geh nkô̆ khlay tâm nău rêh nuih n’hâm bah nuĭh ƀon lan lam dak lah nsum n’hanh Nghệ An lah êng, gay mpơl nău ryơk, nkah gĭt bah lĕ rnoi nuĭh đah Wa.

Ta măng ntơm ƀư lễ hội ƀon Sen, Tổng Bí thư Tô Lâm lĕ ndrel ăp kruanh Đảng, Ngih dak, Kruanh N’gâng kan Công an, kruanh n’gor Nghệ An n’hanh ăp nuĭh ntoh măt lĕ ƀư tĭng koh bok sa nkra rup ndah “Wa Hồ sĭt ƀon tơm”. Rup ndah “Wa Hồ sĭt ƀon tơm” prêh 12 mét, dơi tuh đah kông mhe, đah công nghệ mpet thủy lực mhe. Rup ndah dơi n’gân ta tach jâng gung ƀon Sen-ntŭk Wa tă nkoch bri đah nuĭh ƀon lan tâm 2 rơh sĭt khâl ƀon tơm. Rup ndah yor N’gâng kan Công an jao an, dơi nkoch rblang bah rup Wa Hồ sĭt khâl ƀon tơm năm 1961.