Kơp tât lơ 15/5, lam n’gor Gia Lai lĕ ntơm ƀư n’hanh nkra 7.424 mlâm jay truh sat, geh rlău 91% trong nchrăp. Tâm rnoh aơ, 4.533 mlâm jay lĕ dơi jêh n’hanh jao an nuĭh ƀon lan, geh rlău 55% trong nchrăp. Tĭng kơp uănh, tât aƀaơ, tâm n’gor Gia Lai lĕ geh 7 ntŭk kan gưl nkuăl jêh 100% rnoh an ƀư trong nchrăp geh:

Nkual ƀon têh Pleiku, nkual têh An Khê, nkual têh Ayun Pa, ăp nkuăl Đăk Pơ, Đức Cơ, Krông Pa n’hanh Phú Thiện. Knơm nĕ, tât aƀaơ, bôk nău kan jut ngih rông mpông sat ta Gia Lai lĕ kơl rlău 4.500 rnăk ach o, êp ach o đăp mpăn nău rêh, nkre ƀư rgâl na nê̆ mpeh muh măt thôn ƀon, n’hao nsing nơm bah nuĭh ƀon lan đah ăp nău ntrŭnh, nău kơl đăp mpăn rêh jêng bah Đảng n’hanh Ngih dak.