Tĭng nĕ, ñău rgâl mông nar an Quốc hội djăt mbơh tơih nău mhe, mbơh nău ôp uănh, ƀư tâm nchră n’hanh tâm ban ŭch mbơh tơih ta năp lơ 18/5 đah 2 nău nchrăp nghị quyết mpeh du đê̆ nău kan, nău kơl kan na nê̆, njêng nău mhe mpeh rgâl mhe nău kan rdâk njêng n’hanh ƀư tĭng pháp luật an tâm di đah nău ŭch hun hao neh dak ta rơh mhe; n’hanh Nghị quyết mpeh du đê̆ nău kan, nău kơl kan na nê̆ hun hao wăng sa kan êng. Nkre lah, ta rơh rƀŭn nchră aơ mbra geh ntop 3 nkô̆ nău chính phủ ndŏ mbơh an Quốc hội uănh n’hêl, ntrŭnh kan. Quốc hội lĕ rgâl tay mông nar pah kan đah du đê̆ nkô̆ nău êng geh tât an tâm di. Tĭng nĕ, nău nchrăp rơh rƀŭn nchră mbra nglôch lôch ta kêng măng lơ 27/6, geh nău nchrăp 2 nar lah 28 n’hanh 30/6.