Gay nchrăp uĕh an ăp nhih pah kan, đơn vị, mpôl kan, gưl xã lăp kan ngăn ntơm bah nar 1/7, Tỉnh ủy Kon Tum rđău đă ăp Đảng ủy mpeh Tỉnh ủy; ăp Huyện ủy, Thành ủy n’hanh ăp sở, ăp n’gâng kan bah n’gor rgum lĕ n’hâm an ƀư wat jêh dăp rgum nhih pah kan; nkra ăp jêr jŏt, kŏ kol ntoh luh ân ơm đăp mpăn nchuăt dŏng mbluh soih, geh nău tam.

 Tỉnh ủy Kon Tum jao an ăp gưl ủy ra uănh tay, wat jêh trong tâm pă nuĭh kan, nhih pah kan, ndeh rklư, ndơ năp dŏng kan…đăp mpăn nchrăp ndơ̆ nhih pah kan gưl xã lăp kan ngăn ntơm bah nar 1/7; Jao an Ban Thường vụ Đảng ủy UBND n’gor rđău đă, dăp rgum tay ăp tŏng lam lĕ rngôch trong  mât dŏng, nkra nhih pah kan ơm, drăp ndơ, neh ntu rmeh rnôk dăp rgum nhih pah kan geh nău tam, bah mpŭng lir; Rnâng kan HĐND n’gor ngăch n’gluh an dŏng Nghị quyết nău ntrŭnh đă bah kruanh, Groi kruanh, Kruanh Ban bah HĐND gưl xã; Kruanh, groi kruanh UBND gưl xã gay ntop kơl ntăm nău n’glêh an tâm nar 24/6. Bí thư Đảng ủy ăp nhih pah kan Đảng n’gor Kon Tum Nguyễn Đức Tuy an gĭt, nău kan dŭt jăch ndăn ăp cán bộ, công chức, viên chức n’hanh nuĭh kan ân ntik n’hao nuih n’hâm nchrăp lor n’hanh dơn kan gay xã, phường mhe kan mbluh soih, geh nău tam.