Kêng măng (8/5), ta Ngih Chính phủ ta Thủ đô Moscow, Tổng Bí thư Tô Lâm lĕ geh rơh rgum nchră đah Thủ tướng Liên bang Nga Mikhail Mishustin. Ta rgum nchră, Thủ tướng Nga mĭn lah Nga uănh Việt Nam lah ngoăy tâm âk dak kơl lor bôk năp ta nkual châu Á-Thái Bình Dương; lah rjăp rơh khâl aơ mbra rgop ƀư jru tay nău tâm boh dăch dêh way ơm n’hanh kan ndrel têh hvi lĕ rngôch đah Liên bang Ngâ n’hanh Việt Nam.

2 nuĭh kruanh lĕ tâm rgâl rgop jru hvi mpeh ăp trong gay nâp nâl nsing nơm chính trị n’hanh pơk hvi kan ndrel ăp ding ngăn lah tâm ăp ntil nău geh têh dăng n’hanh nău geh kơt ŭnh nar, tăch rgâl-ntuh kơl, công nghiệp mât njrăng bri dak, ntung trong, công nghệ mhe, nău mĭn nkra njêng mhe, wăng sa mrô, dak si, ntĭm nti, văn hóa, pâl nđaih, kan ndrel n’gor n’hanh tâm nđŭr ƀon lan.