Di nkah 135 nar deh Kruanh Hồ Chí Minh ŭch rŏng, kêng măng 19/5, ta nkuăl ƀon têh Kon Tum, Rmôt bu ur n’gor Kon Tum ƀư rơh ƀŭn rnê ăp nŭih ntoh lư geh nau dơi blau lvang năm 2020-2025 ndrel mpla n’hơ rup ma nkô̆ nau “Wa Hồ đah bu ur Việt Nam’. 5 năm ma aơ, nau kan tâm rlong rŏng dak tâm rlau 100 ntŭk kan bah bu ur n’gor Kon Tum hŏ geh ƀư ueh, ngăn ngên, rêng dăng tâm ƀon lan. Ăp gưl kan kŏ rgum ndâk geh 35 “Ngih tâm kơl an” pă an âk jêt rbăn nklâm prăk, ndơ;

Kơl an ƀư ngăn nau nchrăp 30 nau mĭn ŭch, nau kan ŭch ndâk bah rmôt, bu ur; ndâk bơi tât 940 nau kan, nau ƀư ueh tâm âk nau kan. Tâm 5 năm ma aơ, hŏ geh 1.700 nŭih bu ur dơi rklaih ach o, rlau 1.300 rnăk geh 8 nkô̆ nau dơi 5 mô, 3 kloh; 860 rmôt kan, nŭih cán bộ, bu ur n’gor Kon Tum geh ăp gưl kan, n’gnâg kan, nkuăl rnê, nkhôm./.