Ôi lơ 6/5, jêh ƀư wơt gưl ngih dak ta Ntŭk Tổng thống, Tổng Bí thư Tô Lâm lĕ rgum nchră đah Tổng thống Kazahstan Kassym-Jomart Tokayev. Ta rơh rgum nchră, Tổng Bí thư Tô Lâm lah rjăp, Việt Nam uănh khlay n’hanh kơl lor an nău tâm boh đah ăp dak mpôl băl dăch dêh way ơm, tâm nĕ geh Kazakhstan; lah uĕh Kazakhstan lĕ kơl Việt Nam tâm nău kan njrăng n’gang rklaih đăp mpăn rnoi nuĭh bah năp đaơ kơt nău ndâk njêng n’hanh hun hao neh dak nar aơ.

2 nuĭh Kruanh mĭn lah nău ndâk njêng tâm boh mhe mbra rgop rhăt jăp lơn 5 boăt nthoi đah 2 dak aƀaơ hin, geh: boăt nthoi kon nuĭh, boăt nthoi wăng sa, uănh lah prêh ăp nău nsrôih kan ndrel wăng sa, tăch rgâl n’hanh ntuh kơl; mĭn lah 2 jâng wăng sa geh âk nău dơi an hun hao lơn tay; nsing nơm tâm boh kan ndrel mhe ndâk njêng mbra pơk trong mhe an tâm boh wăng sa đah 2 dak, ndơ̆ geh prăk tăch rgâl hao rlău 2 tơ̆ tâm năm tât.