Geh tât nău nchrăp nghị định mpeh mbơh dăn kan doanh nghiệp n’gâng kan tơm prăk lĕ uănh nđôi n’hanh dơn saơ geh du đê̆ nkô̆ nău an geh rgâl gay ma tâm di đah nău leo kan n’gâng kan ta ntŭk gâl 2. Tĭng nĕ, rgâl mhe ăp nău ntrŭnh geh tât nău kan, nău dơi bâh ntŭk kan mbơh dăn tăch rgâl gâl n’gor, gâl nkuăl, mpeh nău mât uănh sŏk soăy đah doanh nghiệp rnôk ma nklơi gâl nkuăl, rdâk njêng dâl Nghị định rgâl mhe gay ma pă kan, pă nău dơi an UBND gâl xã pă nău leo kan mbơh dăn rmôt kan ndrel, htx, tâm rgop ăp htx n’hanh rnăk tăch rgâl. Groi Thủ tướng Nguyễn Chí Dũng dơn ngoăy đah nău dăn đă bâh n’gâng kan Tơm prăk ngăch ndăn mbơh dơn tay ăp nău mhe gay ma tâm di đah nău ngăn rnôk ƀư ueh n’gâng kan 2 gâl, pă gâl kan, pă nău dơi kan, koh n’huch ăp nău way geh dŏng rnoh mbrô ăp nău ntrŭnh, nău ntrŭnh mhe geh tât mbơh dăn doanh nghiệp. groi Thủ tướng lah na nê̆, Nghị định an geh ntrŭnh ta năp lơ 1/7.