Kêng măng 19/5, ta Hà Nội, Tổng Bí thư Tô Lâm tât râng ndrel ntoh nau tâm nar rđau tâm rơh rƀŭn lôch 10 năm ƀư nau ntrŭnh mrô 05 bah Bộ chính trị mpeh nau ntrŭt dăng ndrel ntĭm nti tĭng nau mĭn, nau kan Kruanh Hồ Chí Minh ndrel mbơh nau tă geh ƀư nau ntrŭnh mrô 09 bah Đảng uỷ Công an Trung ương mpeh nau ntĭm nti, ƀư 6 nau Wa Hồ ntĭm công an ƀon lan. Ntoh nau tâm nar rƀŭn, Tổng Bí thư Tô Lâm lah rjăp, rmôt Công an ƀon lan mô dơi nsrŭng tâm nau ntĭm nti, pah kan tĭng nau mĭn, nau rêh, nau kan Hồ Chí Minh, ƀư ân geh săk tam 6 nau Wa Hồ ntĭm Công an ƀon lan.

Tổng Bí thư Tô Lâm mbơh kloh, gay nau ntĭm nti, pah kan tĭng nau Wa geh dơi ngăn, lam rmôt Công an ƀon lan, ăp gưl uỷ, rđau kan, cán bộ tahen hŏ nsôih jêh ân nsôih tay âk lơn đŏng. Gay mhe dăng rjăp nau mĭn, nau kan, nau ƀư rnôk kan, ƀư jêh ueh ăp nau kan geh jao, ndrel lam Đảng, lam ƀon lan, lam tahen “ndâk du ngih dak Việt Nam đăp mpăn, tâm an, ƀư nâp, ƀon lan ƀư tơm ndrel sâm geh, rgop nau tâm di tâm nau kan cách mạng lam ntur neh” kơt nau ŭch bah Kruanh Hồ Chí Minh ndrel nau ŭch bah lam rnoi mpôl./.