Gay ma ƀon lan, ngăn lah rnăk ƀon lan rnoi đê̆ nsrôih tât râng ƀư ueh tay mir tơm, n’gâng kan, ntŭk kan ăp ntŭk ta n’gor Kon Tum ƀư tĭng ueh nău kơl tơm ntil, ntĭm mbơh mpeh kĩ thuật n’hanh ƀư ndrel đah ăp rnoh kan bâh bôk nău kan nkô̆ mpŏng ngih dak gay ma kơl an ƀon lan. Nău geh, kơp tât khay 4 mhe nơh, lam n’gor Kon Tum lĕ ƀư mhe geh 3.480 ha mir tơm mô jêng gay ma tăm sầu riêng, bơ, play rba, mắc ca, cà phê mô lah ăp ntil biăp, bum....an tâm di đah nău geh trôk nar mih sial, neh ntu ta ăp ntŭk. Nău ngăn an saơ nău ƀư mhe tay mir tăm mô jêng bâh rnăk vâl lĕ kơl an bơi tât 19.500 rnăk ƀon lan ta n’gor Kon Tum, tâm nĕ geh rlău 16.500 rnăk ƀon lan rnoi đê̆ rgâl mhe nău rêh ăp nar n’hanh ntop tay rơh nkhêp hun hao wăng sa rnăk vâl.