Tâm mông nar huêng khlay n’hanh rngot rhơn, 11 cán bộ đi B n’hanh rnăk wâl bah 22 cán bộ êng hŏ dơn tay ăp hồ sơ dơi mât prăp na nê̆ tâm rlău n’gul rach năm. Lôch ƀư lễ mplơ̆ tay hồ sơ, n’gor Gia Lai ntơm pơk pla n’hơ “Dâk drưm nkual neh Bazan”, mpơl tay du njăr trong rlăch ndăng n’hanh ntơm njêng bah tahen ƀon lan Gia Lai – lôch Hiệp định Giơ-ne-vơ năm 1954 tât rnôk neh dak dơn ngoăy, n’hanh ăp njuat rgâl dăng tâm rơh hun hao nar aơ. Pla n’hơ dơi tâm pă jêng 2 gâl lah “Hăn rlău ŭnh ndrak tâm lơh tâm su”  n’hanh “Nsan hao nklang bri têh neh hvi”, mpơl tay hang rhiăng siƀŭt ơm, rup gui khlay mpeh njăr trong 50 năm rklaih luh Gia Lai (17/3/1975) n’hanh 50 năm rklaih luh miền Nam (30/4/1975) dơn ngoăy neh dak.