Kêng măng 1/4, ta Jay Quốc hội, Kruanh Quốc hội Trần Thanh Mẫn hŏ ƀư tơm Rơh hop tâl 56 bah Ủy ban Thường vụ Quốc hội. Lah ta rơh hop, Kruanh Quốc hội lah rjăp, du nkô̆ êng uănh khlay lah an nău rgop nchrăp tơm nuĭh kan hao rblang dăn Quốc hội ta Rơh hop bôk năp, Quốc hội khóa XVI; dăn đă pah kan dja ân dơi nchrăp lhăt, ndê na nê̆, đăp mpăn di rêng, di nău way.

Kruanh Quốc hội Trần Thanh Mẫn an gĭt, Ủy ban Thường vụ Quốc hội mbra an nău rgop mpeh âk nkô̆ khlay, tâm nê geh trong nchrăp Luật rgâl nkra, kơi ntop du đêt nkô̆ bah Luật Bảo hiểm xã hội. Ủy ban Thường vụ Quốc hội an nău rgop n’glĕ dŭt mpeh pah kan nchrăp Rơh hop bôk năp, Quốc hội khóa XVI ndrel ăp nău dơi đăp mpăn kan bah Quốc hội let năp tay, ntơm bah drăp ndơ tât ăp trong kơl geh tât. Nkre, rơh hop mbra an nău rgop mpeh mbơh lôch jêh bôk nău kan groi nđôi năm 2025, ăp khay bôk năm 2026 n’hanh nchrăp bôk nău kan groi nđôi năm 2027 gay hao rblang dăn Quốc hội.