Kêng măng ntri (5/4), ta Jay Quốc hội, Kruanh Quốc hội Vương Đình Huệ hŏ geh rơh kuăl điện tâm nchră sŏng dăng đah Samdech Techo Hun Sen, Kruanh Đảng Ƀon lan Campuchia, Kruanh Hội đồng nsŏng kơl gưl têh kađăch Campuchia, Kruanh Thượng viện dak Campuchia.
Ta rơh kuăl điện tâm nchră, bar ding tâm ban ŭch ân n’hao dăng tay tâm boh tâm rnglăp way ơm đah Campuchia, trong kan Đảng, Quốc hội, Chính phủ n’hanh tâm nđŭr ƀon lan, lơn lah ntrŭt ntrôl rơh mâp kruanh rđău kan bar Đảng, rơh hop tâl 13 tâm nchră Ủy ban nsum Việt Nam-Campuchia mpeh tâm boh wăng sa, tăch rgâl, ntuh kơl, văn hóa, khoa học n’hanh kỹ thuật, Tâm nchră ăp n’gor n’har bri. Bar ding mât tay trong tâm boh geh nău tam đah Bộ Quốc phòng, Bộ Công an, Bộ Ngoại giao Việt Nam đah Bộ Quốc phòng, Bộ Nội vụ, Bộ Ngoại giao n’hanh tâm boh dak bah dih Campuchia; ndrel kan nsum ntrŭt ntrôl tâm boh nkual n’har bri bah bar dak jêng nkual đăp mpăn n’hanh hun hao. Kruanh Thượng viện Campuchia ŭch rŏng bar ding ndrel tâm boh gay nking nchăng nău tih tăch rvăt ma túy. Bar kruanh rđău kan ndrel tâm ban ŭch đah nău bar dak tâm boh kan nsum lhăt, ntop kơl Lào dơn mât geh nău dơi ƀư Kruanh ASEAN, Kruanh AIPA 2024 n’hanh n’hao dăng rdâk tâm rnglăp ăp dak ASEAN.
Viết bình luận