Di nkah 49 năm Nar rklaih miền Nam đăp mpăn neh dak (30/4/1975-30/4/2024) ndrel nkah 70 năm Nar dơi rklaih Điện Biên Phủ (7/5/1975-7/5/2024), ôi naơ 26/4, rđau kan n’gor uỷ, HĐND, UBND, UBMTTQ Việt Nam n’gor Dak Lak, ăp rmôt tahen tâm n’gor tât leo nkao, mpoh kthup tâm môch tâp ăp tahen khĭt tâm n’gor. Tâm nau ƀư rjăp, ăp ntoh măt hŏ leo kao, mpoh kthup, chôn săk nơm dŏng du mnĭt gay nkah, ntoh nau lah ueh jru ngăn đah nau kan têh bah ăp tahen khĭt kăl e khĭt yor nau tâm lơh, yor nau rklaih đăp mpăn rnoi mpôl, đăp mpăn neh dak.

Jêh mpoh kthup, ân nkao, rđau kan n’gor Dak Lak ndrel ăp rmôt tahen ndrel âk mpưm ƀon lan hŏ mpoh kthup tâm ăp môch tahen. Wa Nguyễn Quang Thuân, Groi Giám đốc Sở Lao động-Thương binh ndrel Xã hội n’gor Dak Lak mbơh, nau kan chop môch tahen tâm ăp nar lễ têh hŏ jêng nau ueh, ntoh nuih n’hâm nkah gĭt bah n’gâng kan ndrel ƀon lan tâm lam n’gor./.