Đah nkô̆ “Nđơr an lĕ nău gĭt blău rgâl njêng mhe bah druh ndăm tâm rdâk njêng n’hanh hun hao n’gor Kon Tum”, ôi (28/5), ma trong ƀư mâp na nê̆ n’hanh pơk ƀoh bah ngai rlău 1.500 đoàn viên druh ndăm n’gor Kon Tum hŏ râng nar mâp, tâm dâl nău đah kruanh rđău kan n’gor năm 2025.

Ta nar mâp đoàn viên, druh ndăm n’gor Kon Tum geh 22 nău ôp mpơl nău ŭch rŏng mpŏng geh, dăn đă geh tât nău tĭng ƀư ăp trong nchrăp, trong kơl mpeh rgâl blău ƀư mhe n’hanh hun hao wăng sa- rêh jêng kon nuĭh ta n’gor. Lah ta nar mâp, wa Nguyễn Hữu Tháp, Groi kruanh UBND n’gor Kon Tum lah rjăp nău mpŏng bah kruanh n’gor đah rơh kơn druh ndăm. Gay ntik n’hao uĕh nău khlay kan dâk chŏl lor bah đoàn viên, druh ndăm kruanh rđău kan n’gor ŭch rŏng ăp gưl kan Đoàn tâm n’gor geh tay âk trong leo ƀư tâm rlong ngăn ngăn, geh nău tam gay ntik n’hao lơn đŏng nău khlay kan, nău rgop, n’groh an bah đoàn viên druh ndăm tâm hun hao khoa học công nghệ, rgâl njêng mhe n’hanh rgâl mbrô bah n’gor.