Tât aƀaơ, Uỷ ban săch kruanh n’gor Lâm Đồng ntrŭnh 159 văn bản ntĭm đă njoăl tât 124 xã, phường n’hanh đặc khu , ntĭm leo na nê̆ ta ăp nkô̆ nău, mât đăp mpăn mbơh tơih dơn ngoăy, di nău ntrŭnh bâh Trung ương n’hanh lĕ rngôch ăp nău kan ƀư lôch ta năp mông kan ngluh mbơh. Ăp ntŭk kan way kan ntrôl dăng rgâl mhe rnoh mbrô, dŏng công nghệ mhe tâm nău kan săch kranh. Nău kan nchih lir sƀ kơl an săch kruanh geh ƀư ntgăch ndăn, tâm di. Lĕ rngôch săk nuĭh ứng cử tĭng ntŭk săch kan mbơh nău rêh nău kan n’hanh 20 ntil săm ƀŭt geh tât đah lĕ rnoh rlău 6,6 rkeh plơp lĕ geh nchih lir, pă an tŏng ăp tât 124 xã, phường n’hanh đặc khu tâm n’gor. Ntŭk kan Nội vụ Lâm Đồng lĕ geh pơk ăp jrô nti an ăp ntŭk kan săch kruanh ta ntŭk n’hanh dôl geh nti na nê̆ an ăp nuĭh kan ndrel 2.301 rmôt săch kruanh.