Đoàn viên mom ndăm rdâk jrŏng cờ, ƀư ueh n’hanh mât kuaih ueh ta ăp ntŭk nklăch phiếu ta ntŭk rêh jêng  , ta ntŭk rƀŭn rgum ta thôn ƀon n’hanh tổ dân phố. Ta trôm ntŭk nklăch phiếu, mom ndăm tât râng kơl uănh năl, tap pông n’hanh pă dăp phiếu săch kruanh. Ta âk trong hăn, ăp “trong cờ neh dak” njêng nău ntoh n’gôr mpŏng tât nar săch kruanh.

Nău kan mbơh tơih mpeh săch kruanh geh ƀư ta ăp ƀon lan ta n’gor Đăk Lăk. Bâh nklang nkuăl ƀon têh tât ăp trong ƀon lan hăn, mau ao nđir mom ndăm way geh tâm ăp trong ăp ntŭk mbơh tơih rgŏ trong. Ta du đê̆ ntŭk nkual ƀon lan, nuĭh ƀon lan way hăn ta mir sĭt jŏ, rnoh mom ndăm leo ƀư mbơh tơih ta ăp ntŭk ta kêng măng gay ma ƀon lan geh gĭt nău mbơh mhe.